На Heli-Expo во Далас, Тексас, беше претставен FCX-001, сосема нов дизајн на хеликоптер, производ на компанијата Bell Helicopter.
FXC-001 е машина од идната генерација која ќе биде направена од одржливи материјали, со хибриден погон. Ќе доаѓа опремена со “зголемена реалност“(augmented reality – AR), копилот со вештачка интелигенција, и роторски сечила кои ќе ја менуваат формата во зависност од условите на летот.
Системот кој функционира на принцип на анти-вртежен момент ја подобрува безбедноста на хеликоптерот, го редуцира звукот и ги зголемува перформансите, додека хибридниот погонски систем со термално јадро на моторот овозможува подобра контрола на леталото, и поедноставување на неговото одржување.
Без разлика на оперативните услови, благодарејќи на AR системот поддржан од вештачката интелигенција, FCX-001 ќе биде способен самиот да се контролира. Овој вид на технологија ќе овозможи леталото да биде надгледувано од еден човечки пилот, со AI-то во ко-пилотска улога, што е логичен чекор пред постигнувањето на потполно автономно летало способно за вертикално полетување и слетување (VTOL).