Елон Маск лансира нова компанија посветена на поврзување на човечките мозоци со компјутери.
Компанијата се вика Neuralink и развива технологија наречена „нервна чипка“ која на луѓето би им овозможила директно да комуницираат со машините без потреба тоа да се одвива преку некој вид на физички интерфејс.
Оваа „нервна чипка“ би вклучувала имплантирање на електроди во мозокот за да можат да се download-ираат или upload-ираат мислите од и во компјутерот, и на луѓето би требало да им овозможи да достигнат повисоко ниво на когнитивна функција.
Маск и претходно има изразено интересирање за оваа технологија, кога на Vox Media’s Code Conference 2016 го има за прв пат опишано потенцијалниот продукт, кажувајќи дека би им овозможил на луѓето да постигнат „симбиоза“ со машините.
Првите продукти на Neuralink би можеле да вклучуваат инпланти кои би третирале пореметувања како епилепсијата или депресијата.
Маск ја има регистрирано компанијата во Калифорнија уште минатиот јули, а ќе ја финансира во најголем дел самиот. Постои можност и за инвестиција од фирмата Founders Fund на Питер Тил, со кој Елон заедно го има основано PayPal.
Во еден од неговите последни твитови, тој вели дека повеќе детали околу Neuralink ќе дознаеме за околу една недела.