Моментално, најбрзиот лет од Лос Анџелес до Сиднеј трае 15 часа.
Новиот суперсоничен авион на компанијата Boom Supersonic, наречен XB-1 има намера тоа време да го намали на нешто над 6 часа. XB-1, на кој му е даден прекарот „baby boom” ќе биде и најбрзиот суперсоничен авион во светот, кој ќе лета на најголеми височини.
Штом веќе еднаш е во воздух, околу 500 повратни (во ист ден) патувања ширум светот би можеле да станат реалност.
Компанијата добила 33 милиони долари финансирање од група чиј дел е и Virgin Galactic, зголемувајќи ја конечната сума до 41 милион, доволно за да се заврши и тестира авионот. Неговата изградба ќе чини 329 милиони долари, а билет за едно од 45-те седишта ќе достигнува цена од околу $6600.
Со можност да лета од Сан Франциско до Токио за само 5 часа, или од Њујорк до Лондон за 3 часа и 15 минути (почнувајќи уште од 2020та), се чини дека тие 45 седишта ќе бидат постојано распродадени.
Според Boom Supersonic, XB-1 ќе биде првиот независно развиен суперсоничен џет, и најбрзиот цивилен авион било кога направен. Неговата максимална брзина ќе биде за 10% поголема од онаа на легендарниот Конкорд и ќе изнесува 2335км/ч, а од него и ќе лета повисоко – на височина од околу 19km.