Доколку го испуштите телефонот и стаклото му се скрши, имате две опции: да го поправите/замените само екранот, или целиот телефон.
Хемичари од Калифорнискиот Универзитет во Риверсајд нудат и трета опција: материјал за екран кој самиот може да се „лекува“ т.е поправи.
Тие направиле неколку тестови врз него, тестирајќи ја способноста да се поправи од гребнатинки и пукнатини. Откога го скинале на половина, тој самиот се споил за помалку од 24 часа, вели Чао Ванг, хемичарот кој го водел ова истражување.
Материјалот кој може да се растегне за 50 пати од неговата оригинална големина е направен од растеглив полимер и јонски соли, и се одликува со специјален тип на врска наречена јон-дипол интеракција, што всушност ја претставува силата помеѓу наелектризираните јони и поларните молекули. Тоа значи дека кога материјалот ќе се скрши или изгребе, јоните и молекулите се привлекуваат едни со друго со што ги „лекуваат“ оштетувањата.
Ова е првпат научници да создале материјал кој самиот се поправа кој може да спроведува електрицитет – некои телефони на LG (како G Flex) веќе имаат сличен материјал на задниот поклопец, меѓутоа тој не спроведува електрицитет и не може да се користи за изработка на екрани.
Новите смартфон екрани имаат мрежа од електроди под нив, што кога ќе ги допрете со прст (кој е кондуктивен), го комплетираат електричното коло, кажувајќи му на телефонот која команда да ја изврши.
Ванг предвидува дека овој нов материјал ќе се користи во екраните за смартфони, како и за изработка на батерии до 2020-та.