Тоа што сме возрасни не значи дека не треба да си играме со најновите гаџети и играчки – но се разбира, не секој има доволно длабоки џебови за тоа да си го дозволи.
Иако дефинитивно секој од нас може по дома да си направи авионче од хартија и со него да се забавува, тоа во никој случај не може да се спореди со забавата која би била на располагање со PowerUp FPV хартиениот авион. Ова е авион/дрон кој треба самите да го склопите, може да лета до 10 минути и да ви овозможи „птичја перспектива“ од летот, преку вградената камера. Покрај сето тоа, со него доаѓа и картонскиот „гледач“ на Google преку кој што можете да ја контролирате насоката на авиончето само со движење на главата.
За полнење користи micro USB кабел, доаѓа со 2 резервни пропелери и Lipo батерија од 550mAh, а преку iOS или Android смартфони ќе можете и во живо да го стримувате и снимате вашиот лет.
Иако се работи за не баш евтина играчка од $200, мора да признаеме дека со задоволство би потрошиле неколку часа во денот со неа.