Истражувачи од Универзитетот во Минесота создале нов материјал кој би можел да ја промени технологијата каква што ја знаеме, а е во вид на тенок филм и е транспарентен и екстремно кондуктивен. Електрониката како смарфоните и соларните ќелии користат транспарентни проводници, меѓутоа тие често ја користат хемикалијата индиум, која е сè повеќе поскапа.
За да создадат поисплатлива алтернатива, научниците создале тенок филм користејќи бариум, кислород и уникатен хемиски претходник на калај. Сите овие материјали се значително поевтини од индиумот, а притоа ја зголемуваат способноста на материјалот хемиски да реагира.
Овој нов материјал би можел да ја претставува иднината на поголемиот дел од модерната технологија. Од него би можеле да се изработуваат соларни ќелии, а би се употребувал и за уреди како лаптопи, смартфони, таблети и сл. со чија помош би се изработувале помалечки, побрзи, и помоќни уреди, кои притоа би можеле да бидат комплетно транспарентни.