Незадоволни од тоа да се има само највисоката зграда на светот или најголемиот трговски центар, но Дубаи стана првиот град кој си има и свој фонт.
Дизајнот на фонтот, изработен со Microsoft, е изведен и на латиница и на арапско писмо и ќе биде достапен на 23 јазици. На владините тела и е наложено да го користат овој фонт во службената кореспонденција.
„Создадете хармонија“
Принцот на Дубаи, Хамдан бин Мохамед ал-Мактум, рече дека самиот бил директно вклучен во „сите фази“ на развојот на фонтот.
- Тоа беше многу важен чекор за нас како дел од нашите континуирани напори да бидеме рангирани први во дигиталниот свет, рече тој. „Уверени сме дека овој нов фонт и неговите уникатни спецификации ќе станат популарни помеѓу другите фонтови кои се користат онлајн и во умните технологии низ светот“.
Владата на Дубаи објасни дека дизајнот на буквите „ја изразува модерноста и е инспирирана од градот“, и дека „бил дизајниран да создаде хармонија помеѓу латинското и арапското писмо“.
-Преку него вие споделувате и покажувате кој сте, како размислувате и што чувствувате за светот. За тоа, потребен ви е медиум кадарен да ги содржи сите нијанси за се што имате да кажете. Фонтот Дубаи го прави токму тоа. Тоа е најнов глобален медиум за самоизразување.