Научници од Универзитетот во Антверп и Универзитетот во Лувен, Белгија, создале ново иновативно решение за загадувањето во форма на уред кој го филтрира загадениот воздух и во тој процес произведува енергија.
Се работи за фотоелектрохемиска ќелија со две „соби“ – во едната влегува воздухот кој се прочистува со фотоанода во процес кој создава водород, кој потоа се собира од катодата зад мембраната која ги дели двете „соби“. Тој водород потоа може да се складира и користи како гориво.
Во минатото, вакви ќелии се користеле за екстракција на водородот од водата, а сега е откриено дека истото е можно и со воздухот.
Уредот сега засега е само дизајн кој докажува дека концептот функционира и е со големина од неколку квадратни сантиметри. Иако неговата употреба против загадувањето е сè уште далеку пред нас, овој начин на размислување и иновации е клуч за прогресот на ова поле.