Новиот Surface Pro на Microsoft, што неделава и официјално беше промовиран на настан во Шангај, несомнено ќе биде мошне возбудлив за сите љубители на модерната технологија.
Најавен како „најразновидниот лаптоп на пазарот“, овој уред тежи само 700 грама и е со дебелина од 8, 5мм, што значи дека е мошне лесен и практичен за носење.
-За да ги исполниме очекувањата на корисниците мораме да продолжиме да ги подобруваме и испорачуваме нашите ветувања во однос на перформансите, мобилноста и разновидноста – во исто време подобрувајќи го она што на луѓето веќе им се допаѓа кај Surface Pro линијата, велат од компанијата.
Новиот Surface Pro доаѓа со почиста линија, заоблени рабови, а она по што се разликува од своите конкуренти несомнено е времетраењето на батеријата кое изнесува 13,5 часа.
Со 7-та генерација на моќниот Intel Core processor, Surface Pro може да се справи со секоја задача што ќе му се зададе. Освен тоа буквално е бесшумен, па нема да забележите ни дека е тука.