Истражувачи од Purdue универзитетот развиле технологија за батерија која инстантно се полни и која е безбедна и еколошка.
Моментално, електричните автомобили се полнат преку специјални портови и процесот трае подолго време, додека оваа нова батериска технологија би им овозможила на возачите на хибридните и електрични возила истите да ги полнат како конвенционалните автомобили, за неколку минути на бензинска пумпа.
Овој напредок не само што би го забрзал процесот на префрлање на електрични возила, туку и драматично би ја редуцирал изградбата на дополнителна инфраструктура потребна за полнење електричните автомобили.
Се работи за „flow battery”, т.е „проточна батерија“ наречена IF-Battery, на која не и е потребна електрична станица за полнење. Наместо тоа, корисникот треба само да ги замени течните електролити во батеријата – на начин како што се полни резервоар со бензин.
Инаку, искористената батериска течност може безбедно и евтино да биде собрана и повторно наполнета во било која соларна, ветерна или хидроелектрична централа.
Системот на оваа проточна батерија е уникатен бидејќи, за разлика од другите верзии на батерии од овој тип, оваа нема мембрани кои се подеднакво скапи за изработка, и лесно можат да се оштетат, а нивното оштетување го лимитира бројот на циклуси на полнење. Компонентите на IF-Battery се доволно безбедни за да може да се чуваат во секој дом, како и доволно стабилни и евтини за масовна продукција и дистрибуција.
Транзиционирањето на постоечката инфраструктура и нејзино прилагодување на електричните автомобили кои би користеле вакви батерии би било далеку поедноставно отколку дизајнирањето и градењето на нови видови на станици за полнење, што е моменталната стратегија на Tesla. Дури би можеле да се искористат и веќе постоечките пумпи за складирање на хемикалиите кои се исклучително безбедни.