Вештачката интелигенција може прилично прецизно да предвиди колку долго ќе живеете, според нова студија објавена во журналот Scientific Reports.
Во првата студија од овој вид, научници од Универзитетот во Аделаида користеле вештачка интелигенција (AI) за да предвидат кои пациенти ќе умрат во наредните 5 години со 69% точност – што е приближно иста точност кога предвидувањето би било извршено од квалификуван доктор.
Во AI системот биле внесени скенови од компјутерска томографија на граден кош од 48 пациенти, сите помлади од 60 години и потоа биле искористени машинските техники за учење да ја анализираат огромната количина податоци и да извлечат било какво аномалии од нив. Во скеновите биле пронајдени 15 957 биомаркери кои биле искористени за да се процени бројот на преостанатите години живот.
Според Др. Лук Оукден-Рејнер, водечкиот автор на студијата, предвидувањето на иднината на пациентите може да е исклучително корисен процес бидејќи би им овозможил на докторите да ги прилагодат третманите за секоја индивидуа.
Следен чекор на ова истражување ќе биде зголемување на прецизноста на AI системот со внесување на десетици илјади слики за анализирање и процесирање.
Сето ова би отворило нови врати за аплицирање на технологијата со вештачка интелигенција за анализирање на медицински слики, со што би се детектирале сериозни болести во нивната рана фаза, кои би побарувале специфични медицински интервенции.