Компанијата Cheero USA ја претставила втората генерација на нивниот уред Sleepion на Kickstarter.
Sleepion 2 ќе ви помогне да заспиете со поттикнување на спиење на природен пат, без користење на било какви апчиња или медикаменти. Со програмирање на пренатални ритами кои природно живеат во сите нас, Sleepion 2 може да им помогне на сите оние кои имаат потешкотии со спиењето, концентрирањето или релаксирањето.
Гаџетот не е дизајниран само да помогне при заспивањето, туку и да го насочи корисникот кон поздрав стил на живеење. Sleepion 2 има 3 мода кои можат да се користат низ денот – “Concentration“ модот доаѓа со песни дизајнирани да му помогнат на мозокот да се фокусира со позитивни мелодии. “Relaxation” модот има бавни ритами кои му помагаат на мозокот да се одмори, без да западне во длабок сон, а Bluetooth модот им дозволува на корисниците да си ја пуштаат омилената музика за релаксирање додека патуваат или работат.
Она што го прави уредов револуционерен е комбинацијата на музика со т.н Aroma прстени, кои нудат уживање во аромите кои можат да се најдат ширум светот. За 5-те мириси Germanium, Lemon Grass, Lavender, Hinoki и Forrest е клинички докажано дека помагаат за заспивање, релаксација и концентрирање.
Во внатрешноста, Sleepion 2 има флуктуирачко LED светло кое пулсира, што делува смирувачки и релаксирано и дополнително помага при заспивањето. Тоа може и да се исклучи, додека функциите за звук и арома се активни.