Инженерската компанија ThyssenKrup креирала Maglev (транспортен метод кој користи магнетна левитација) лифт кој може да се движи хоризонтални и вертикално, без никакви кабли.
Компанијата ги комплетирала првите јавни тестови на нивната технологија во кула наменета специјално за тоа. Инаку, експерименталниот лифт е наречен Multi, и се движи на шини со помош на магнетните полиња кои ја туркаат кабината, функционирајќи како линеарни мотори – слично на технологијата во Hyperloop.
Кабините може да ротираат странично кога лифтот е застанат на некој спрат, што дозволува повеќе кабини да се користат истовремено без да си пречат една на друга. Тие исто така ќе можат да ги планираат сопствените рути, што ќе го редуцира времето на чекање и ќе превентира „сообраќајни метежи“ помеѓу нив.
Оваа технологија би го решила проблемот со кој што се соочуваат дизајнерите на модерните облакодери, а тоа е дека за да луѓето се искачат на највисоките спратови, мора да ги менуваат лифтовите. Причината за тоа е што стандардниот дизајн на лифтови кои се движат со кабли им овозможува движење од 487 метри при едно нивно континуирање истегање – нешто што Multi системот ќе го елиминира, овозможувајќи повеќе простор во зградата за дополнителни простории.
Компанијата веќе има потпишано договор со нивниот прв клиент – East Side Tower зградата планирана да се гради во Берлин. Бидејќи се работи за нова технологија, сега засега е (пре)скапа – чини и до 5 пати повеќе отколку стандардниот систем на лифтови.
