Земјата рапидно ги губи нејзините шуми со брзина поголема отколку што луѓето можат повторно да ги засадат. Точните бројки варираат, но повеќе анализи покажуваат дека причината за над 15% од глобалните емисии на јаглерод е токму уништувањето на шумите, што значи дека со нивното уништување директно придонесуваме за сè побрзо зголемување на стапката на климатските промени.
Еден австралиски инженер решил против тоа да се бори со технологија – Др. Сузан Грем развила пар дронови кои можат да помогнат при ублажување на дел од штетата со засадување на дрвја со брзина која што неколкукратно ја надминува онаа кога тоа би се вршело мануелно, со рака.
Едниот дрон би имал задача да скенира одреден регион, барајќи идеално парче земја за садење дрвја, кој потоа би правел 3D мапа од областа врз која би биле имплементирани специјални алгоритми за да се најдат најдобрите локации за садење.
Вториот дрон би се наведувал од таа мапа и во себе би носел 150 капсули со семиња кои би ги „испукувал“ во земјата.
Тоа би се случувало со брзина од една капсула во секунда, што значи дека за еден ден би можеле да се засадат скоро 100 000 дрвја. Со 60 вакви тимови, таа бројка би можела да изнесува до билион дрвја годишно.