Мини автономни полициски автомобили „спарени“ со дронови и технологија за фацијално препознавање ќе почнат да патролираат низ улиците на Дубаи до крајот на годинава, со цел да помогнат во идентификувањето и следењето на осомничените.
За жал (или среќа на осомничените), малечките автомобили не можат да се движат со голема брзина – при нивната демонстрација, тие се движеле со брзина слична на брзо чекорење. Но, затоа овие сигурносни возила доаѓаат со вграден летачки дрон со кој може да се истражуваат реоните и луѓето до кои роботот не може самиот да стигне.
Наречен O-R3, патролното возило може самото да се движи користејќи машински научени алгоритми, а полицијата може и безжично а го контролира преку компјутер. Тоа ќе биде опремено со термални камери и читачи на регистарски таблици, а од Otsaw Digital, неговиот производител базиран во Сингапур, велат дека ова автомобил-и-дрон дуо е прво од овој вид во светот, кој воедно ќе може да функционира 24/7 и самиот да си ги полни батериите.
Роботските автомобили нема да бидат наменети да ги заменат полицајците, туку подобро да ги менаџираат ресурсите и човечката сила.
Електронските полицајци допрва ќе доаѓаат – во наредните неколку години, градот планира да претстави модел висок скоро 3 метри, способен да се движи со брзини до скоро 80км/ч, и кој исто така ќе може да биде контролиран од луѓе во неговата внатрешност.
До 2030-та, Дубаи планира роботите да се 25% од нивните полициски сили.