Површина со 3D ефект на течно стакло, највисока DxOMark оцена за камера и Edge Sense се само дел од највпечатливите карактеристики на новиот HTC U11.
Со тежина од 169 гр. и модерен дизајн, овој модел поставува нови стандарди во однос на она што се очекува од еден смартфон. Што се однесува до изгледот на телефонот, ретко кој останува рамнодушен на неговата позадина бидејќи во најмала рака изгледа гламурозно. Компанијата успеа да создаде моќни и живописни бои кои ја трансформираат светлината при секое движење на телефонот.
Една од најдраматичните карактеристики на HTC U11 е Edge Sense - можност за активирање на најразлични функции преку едноставно стискање на уредот. Наместо класични копчиња за активација, по страните на смартфонот се поставени сензори за притисок, па така со едно стискање лесно можете да отворите апликација, да фотографирате или пак да извршите некоја друга задача.
Сензорите имаат 10 нивоа на притисок, што го прави HTC U11 лесно прилагодлив на личниот стисок на вашата рака. Мошне кул карактеристика, особено кога се трудите да направите селфи и ви е преку глава од тоа неприродно да ја местите раката за да го притиснете соодветното копче.
Уште една предност на новиот модел несомнено е неговата камера која содржи одличeн UltraSpeed авто- фокус каков што може да се најде и кај DSLR камерите. HTC U11 се фокусира на она што го фотографирате со прецизност на човечко око, па воопшто не изненадува фактот што доби неверојатни 90 поени на DxOMark, инаку највисокиот резултат што досега го добил еден смартфон. Во комбинација со 360 Real-life технологијата за снимање, U11 воедно го дава и најдобриот квалитет на аудио снимки.
Со едно зумирање на сликата додека снимате, автоматски го зголемувате и звукот како да снимате одблизу, што ви овозможува да правите импресивни снимки во живо, кои потоа ќе ги споделите со своите пријатели.
HTC U11 има 64-bit Octa-core процесор, ANDROID 7.1.1 оперативен систем, RAM 4GB и меморија 64GB што го прави неверојатно брз за употреба. На моменти ќе ви остави впечаток дека ја извршува функцијата побрзо од движењето на вашите прсти, што се разбира е одлична карактеристика за еден смартфон.
Со ексклузивната понуда на Телеком, можете да го добиете вашиот HTC U11 во Smart M тарифата и месечна рата за уред од 1800 денари на 24 месечни рати.
Заедно со U11 добивате и Philips BT25 Bluetooth звучник, совршен подарок за секој аудиофил кој ужива во квалитетен звук и дизајн. Во моментот телефонот е достапен во сребрена боја, а подоцна ќе може да се најде и во црна и сина.