Канадската роботска компанија Bionik Laboratories демонстрирала прототип на нивниот егзоскелет наменет за долниот дел од телото наречен Arke, кој може да се контролира преку гласовниот асистент Alexa на Аmazaon.
При нормална употреба, Arke се контролира со мноштво сензори кои реагираат на природните движења на корисникот. Меѓутоа, како тој се навикнува на егзоскелетот, понатамошните инструкции се внесуваат преку таблет. Бидејќи ова за некого може да претставува премногу мултитаскинг, гласовни команди би биле многу повеќе интуитивни за повеќето корисници.
Прашањето е дали Alexa е доволно сигурна за користење во клинички услови – на пример, уредот Echo на Amazon има историја на интерпретирање на погрешни инструкции, што со гласовно контролиран егзоскелет би можело да има многу посериозни последици. Alexa, на пример, може да се користат за контролирање на дронови или механизмот за заклучувањето на вратите во BMW, но и во двата случаи тие акции не се толку витални колку што е нечијата способност безбедно да може да чекори.
Без разлика дали состојбата на корисникот е предизвикана од старост или некоја болест/недостаток/несреќен случај, егзоскелетите можат значително да го подобрат квалитетот на живот на секој корисник, а интегрирањето на поддршка за гласовни команди на Alexa во Arke го прави овој вид на технологија многу подостапна за сите.
Во секој случај, ќе бидат потребни уште многу тестови и положени сертификати за да верзијата на Arke контролирана со Alexa е комерцијално достапна за сите.