Владата на Јужна Австралија најави планови за конструирање на најголемата соларна топлинска централа со една кула во Port Augusta., а Калифорниската компанија за соларна технологија SolarReserve ќе биде одговорна за нејзината изградба и одржувањето.
The Aurora Solar Energu Project е базиран на планови кои веќе биле развиени како дел од Rice Solar Energy Project во Калифорнија, кој не се остварил како резултат на даночните измени поврзани со обновливата енергија.
Откога ќе се изгради, низи од хелиостати ќе ја насочуваат соларната енергија кон една централна кула која ја користи технологијата со стопена сол за да ја складира целата таа енергија како топлина. Овие топени соли ќе овозможат капацитет од складирање на 1100 мегавати, што ќе и овозможи на централата да генерира електрицитет и навечер.
Aurora е проектирана да има моќност од 150 мегавати и способност да генерира 495 гигават часови електрицитет годишно. Станицата ќе може да услужува 90 000 домови и ќе придонесува за околу 5% од тоталните енергетски потреби на Јужна Австралија.
Конструкцијата на оваа централа ќе чини 650 милиони долари и ќе започне идната година, со надеж дека ќе почне да произведува електрицитет до 2020-та.
Градење на нова комерцијална соларна централа денес е поевтина отколку на централа напојувана со фосилни горива, а експертите предвидуваат дека соларната енергија ќе биде поевтина од јагленот во наредните 4 години.
Оваа зголемена достапност несомнено ќе води до креирање на повеќе проекти слични на овој, и ќе помогне во постигнувањето на целите на Парискиот Договор со цел да се намали штетата која и ја имаме нанесено на нашата планета преку користењето на фосилните горива.