Иако нападите од ајкули се релативно ретки, тие предизвикуваат страв во многу крајбрежни области.
Скоро 31% од евидентираните напади се случуваат во Австралија, а од 26 во 2016-та, два резултирале со смрт на жртвата.
За да овој процент се намали на нула, истражувачите од Софтверската школа при технолошкиот универзитет во Сиднеј развиле дрон со вештачка интелигенција за да ги надгледува крајбрежните области и да ги предупредува пливачите и сурферите доколку им се заканува напад од ајкули.
Човечките набљудувачи кои гледале во фотографиите снимени од воздух ги забележувале ајкулите со успешност од 20-30%, додека софтверот кој го користат дроновите имал успешност од 90%.
Софтверот ги анализира снимките од дроновите и лесно може да препознае разни видови на морски животни, како ајкули, делфини, китови и сл.
Дроновите се наречени Little Ripper Lifesavers и се опремени со мегафон, за да ги предупредат оние на кои им се заканува опасност од напад.
Истите можат да се опремат и со појас за спасување и светло за користење во итни случаи, а компанијата работи и на електронски уред за бркање на ајкулите, со што би се спречиле потенцијалните напади.