Повеќето од нас се способни интуитивно да ги разбираат човечките експресии – на пр., при разговор милиони малечки мускулни движења го менуваат изгледот на нашите очи, уста, позицијата на главата и др., со што му се сигнализира на соговорникот што мислиме и чувствуваме. Овие несвесни движења не прават луѓе, но и им отежнуваат на роботите да не имитираат.
Истражувачи во лабораторијата за вештачка интелигенција (AI) на Фејсбук се приближиле за чекор поблиску во надминување и на оваа препрека.
Тие развиле анимиран бот контролиран од вештачки интелигентен алгоритам дизајниран да ги набљудува и анализира промените на 68 точки на човечкото лице за време на разговор преку Скајп. Со тек на времето, овој AI систем научил да реагира на она што го гледа со соодветна реакција – како што е наведнување на главата при согласување, трепкање со очите при изненадување или смеење кога соговорникот кажува нешто смешно.
Ботот на Фејсбук ги покажува реакциите со многу основна анимација, така што овој алгоритам сè уште не е подготвен за употреба во реалистичните хуманоидни роботи – но, според истражувачите, важно ќе биде ваквите AI системи да ја разбираат фацијалната комуникација, а не само да ја имитираат.