Тим инженери и невролози од универзитетот Витс во Јоханесбург создале „Brainternet” (мозочен интернет), директно поврзувајќи човечки мозок на Интернет.
Според соопштението за медиумите, тимот искористил електроенцефалограм (EEG) – уред кој детектира електрични сигнали во мозокот – да пренесе нервна активност до Raspberry Pi компјутер кој потоа во живо ги пренесувал податоците во програма на вев страница која секоја можел да ја погледне.
Всушност, бил создаден еден вид на технолошки прозорец во нечија нервна активност, со цел да се овозможи интерактивност помеѓу корисникот и неговиот мозок и шанса самиот да ја види реакцијата на мозокот на одредени стимулации.
Досега ова било возможно само за оние кои ги читале EEG скеновите, а со буквално поврзување на мозокот на Интернет тоа би се овозможило на повеќе луѓе, вклучувајќи го и самиот субјект.
Истражувачите велат дека „Brainternet”-от може понатаму да се усовршува преку смартфон апликација која ќе овозможува податоци за алгоритмот за учење на машината, што значи дека информацијата би се пренесувала во двата правци – од и во мозокот.
Доколку програмирањето во иднина стане доволно напредно, ќе биде возможно да се испраќаат електрични сигнали – можеби во форма на податоци – до мозокот на личноста закачена на EEG читач. За да ова се оствари, ќе мора да се создаде и уред за конвертирање на податоците кои ќе ги претвора бинарните податоци (т.е единиците и нулите) во биоелектрохемиски сигнали кои мозокот ќе може да ги дешифрира, како и да ги идентификува кои сигнали претставуваат мисли а кои акции.