Бил Гејтс планира да изгради сопствен „паметен град“ во Феникс, Аризона, на околу 45 минути јужно од центарот на градот.
Лоциран во долината, ова земјиште има површина од околу 24 800 акри, а една од инвестициските компании на Гејтс ќе инвестира 80 милиони долари во овој проект.
Belmont Parnters, група за недвижнини лоцирана во Аризона, во соопштение за медиумите изјави дека ќе креираат заедница со напредни размислувања со комуникациски и инфраструктурни решенија кои ќе ги опфаќаат најсовремените технологии, дизајнирани околу брзи дигитални мрежи, центри за податоци, нови производствени технологии и дистрибутивни модели, автономни возила и автономни логистички центри.
Овој „паметен град“ на Гејтс ќе биде одлично место за развивање и тестирање на футуристички технологии, а предложена е и изградба на автопат кој ќе поминува низ овој град и ќе води директно во Лас Вегас.
Самиот град ќе биде поставен многу слично на „обичните“ градови, со 3800 акри посветени на канцелариски, комерцијални и малопродажни објекти, 470 акри јавни школи и повеќе од доволно простор преостанат за приватни живеалишта.
Ова не е првиот „паметен град“ кој ќе се гради. Еден веќе се гради во Денвер како и во Кина, а се надеваме дека еден ден сите градови ќе бидат „паметни градови“ од овој тип.