Инженерот Џонатан Ротберг во 2011 станал популарен и богат кога го создал првиот ДНК секвенцер на чип наречен Ion Torrent, по што ја оформил компанијата Butterfly Network која сега претставила нов уред наречен iQ, опремен со систем за вештачка интелигенција (AI) кој овозможува ултразвук со помош на смартфон.
iQ е медицински уред кој ултразвукот го прави пристапен за сите – се приклучува на lightning портот на iPhone уредите, а алгоритмите за машинско учење му помагаат на корисникот да го пронајде она што го бара.
iQ исто така ја револуционизира технологијата стара повеќе од 40 години. Скоро сите регуларни уреди за ултразвук користат компресирани наелектризирани кристали или керамика за да испратат звук, го детектираат неговото ехо, и пресметаат далечината за да формираат слика.
Инженерите од Butterfly Network ги замениле овие кристали со капацитивни микромашински ултразвучни трансформери (CMUT)– редови од исклучително тенки мембрани кои вибрираат на одредени фреквенции кога низ нив тече електрицитет.
Ова технологија е искомбинирана со алгоритми оригинално дизајнирани за групирање податоци од илјадници телескопи, развиени од физичарите Макс Тегмарк и Невада Санчез, од кои вториот е ко-основач на Butterfly Network.
За да финалниот дизајн на iQ остане максимално компактен, инженерите овие CMUT ги споиле директно на полупроводнички слој, без дополнителни жици, така што слоевите ги содржат сите сигнални процесори и засилувачи кои го конвертираат звукот во слики.
Повеќето луѓе претпоставуваат дека ултразвукот се користи само за бремените жени, но покрај тоа тој има примена и за истражување на внатрешните органи – што значи дека за нешто под 2000 долари, iQ е уред за целосно скенирање на телото, без посета на медицинсла кабораторија.
Сега засега iQ може да го нарачаат само лиценцирани здравствени работници, од Butterfly Network се надеваат дека наскоро ќе биде достапен за сите – на ист начин како што порано термометрите и мерачите за крвен притисок биле достапни исклучиво во болниците, за да сега овие апарати се дел од скоро секој дом.