Нов софтвер развиен од тимовите на истражувачи од универзитетот Колумбија и NYGC ќе помогне за брзо и ефикасно верификување на нечиј идентитет со ДНК.
Методата вклучува MinION DNA секвенцирачки уред со големина на кредитна картичка, способен да секвенцира 10-20GB податоци во реално време, заедно со технологијата која е комерцијално расположива преку сервисите како 23 & Me или ancestry.com
Со процесот кој се одвива во 2 чекори, истражувачите успеале да земат индивидуални варијанти од ДНК секвенцирана со MinION и врз нив да го употребат Бајсовиот алгоритам (алгоритам за веројатност) за да ги споредат со соодветните варијанти во останатите генетски профили во базата.
Со секоја крос-референца, веројатноста да се верификува совпаѓањето се зголемува, а тестирањата покажале дека системот е способен да верификува совпаѓање помеѓу 60-300 крос-референци за само неколку минути.
Оваа технологија има мноштво важни потенцијални апликации, од кои едната би била олеснување на идентификацијата на жртви во случај на разни катастрофи бидејќи е побрза и поевтина од останатите методи како што е истражувањето на медицинските или стоматолошките досиеја.
Технологијата исто така би можела да се искористи и за намалување на трошоците во разните истражувања поврзани со канцерот. Според еден извештај од 2014-та, погрешното идентификување и контаминацијата на клеточните линии во медицинските истражувања се одговорни за потенцијално повеќе од 9 милијарди долари залудно потрошени во медицински фондови на студии кои не можат да се реплицираат.
Софтверот веќе е на располагање и може да се преземе на GitHub под GNU General Public лиценца, така што секоја лабораторија може да почне да го користи и унапредува.