Шахот, според човечките стандарди, не е воопшто лесна игра, но за вештачката интелигенција (AI) таа може да биде научена и усовршена за само неколку часа.
Во нова студија, истражувачите на Google објаснуваат како нивниот AI систем AlphaZero покажал „натчовечки перформанси“ во шахот, за кој му требале само 4 часа да ги научи правилата пред да го победи светскиот првак од шаховските програми наречен Stockfish.
Со други зборови, целото знаење на човештвото за шахот било апсорбирано од вештачката интелигенција за време потребно да се стигне со автомобил од, на пример, Њујорк до Вашингтон.
Во серија од 100 игри против Stockfish, AlphaZero победил во 25 играјќи со бели фигури, и во 3 со црни фигури. Во останатите игри резултатот бил изедначен – Stockfish никогаш не победил, а AlphaZero никогаш не загубил.