Компанијата Synaptics во партнерство со уште една компанија официјално ќе започнат масовна продукција на нивниот оптички дисплеј со вградени сензори за читање отпечатоци од прсти.
Сензорите се наречени FS9500 Clear ID и функционираат слично на сензорите за отпечатоци од прсти кои се наоѓаат на „Home“ копчето на многу денешни телефони. Разликата е што со новиот сензор корисниците можат да притиснат со прст било каде на самиот дисплеј.
Од Synaptics велат дека нивните нови сензори ќе бидат имплементирани во уредите на „5-те најголеми смартфон производители“, што значи дека најверојатно нив ќе ги има во уредите на Apple, Samsung, Huawei, Oppo/Vivo или Xiaomi.
Според Кевин Барбер, генералниот менаџер на мобилната дивизија на Synaptics, новите сензори се посигурни од било кој друг алтернативен биометриски сензор.