- Ракометарите ќе играат на Европското првенство со поддршка на новиот спонзор Македонски Телеком
- Телеком ќе носи 50 среќни добитници да ги бодрат нашите ракометари во Загреб на натпреварот помеѓу Македонија и Црна Гора на 15 јануари
- Ексклузивно за време на првенството, корисниците добиваат бонус од 3000 денари за купување на смартфон во новиот Smart M и новата Magenta 1 M
Пред самиот почеток на Европското првенство во Хрватска, Македонски Телеком го најави партнерството со Ракометната федерација на Македонија.
Ракометарите во Загреб ќе се борат за победа со поддршка на новиот спонзор, Македонски Телеком.
Партнерството беше официјализирано на прес конференција на која присуствуваа Главниот извршен директор на Македонски Телеком, г-дин Андреас Елснер, претседателот на Ракометната федерација на Македонија, г-дин Живко Мукаетов и капитенот на ракометната репрезентација г-дин Кирил Лазаров.
-Договорот за партнерство меѓу овие два успешни тима дојде многу природно - Македонски Телеком ја има најдобрата и најсигурна мрежа во земјава, додека ракометот е најуспешниот спорт во Македонија, во континуитет, години наназад. Нашата цел е да овозможиме што подобри услови за врвни спортски резултати, а согласно амбициите и плановите на нашата репрезентација, верувам дека ќе имаат успешна игра на Европското првенство и им посакувам многу понатамошни побед, изјави Андреас Елснер, Главниот извршен директор на Македонски Телеком.
За фановите кои сакаат да ги бодрат нашите ракометари, Телеком ќе носи 50 среќни добитници во Загреб на натпреварот меѓу Македонија и Црна Гора на 15 јануари (повеќе информации на www.telekombus.com).
Дополнително, сите корисници, кои во периодот на првенството ќе ги изберат новиот Smart M и новата Magenta 1 M, добиваат 3.000 денари бонус за купување на нов смартфон.
Македонија на Европското првенство во Хрватска ќе игра во група со Германија, Словенија и Црна Гора. Плановите се пласман во главната фаза и продолжување меѓу најдобрите 12 репрезентации.