Дизајнот на Apple со изрезот на нивниот iPhone X е обид на корисниците да им се даде поголем простор за екранот и помали рабови.
И Samsung со неколку различни патенти се чини дека се движат во истата насока, вклучувајќи и еден патент кој бил поднесен минатата недела, и преку кои што се навестува дека компанијата исто така истражува уште една опција која би можела да ги интегрира разните сензори, како и предната камера, во самиот екран.
Патентот поднесен во светската организација за интелектуална сопственост минатиот мај, а кој конечно бил објавен сега, покажува уред со неколку дупки во екранот во кои треба да биде сместена електроника. Тој покажува и сензор за отпечатоци на прсти кои би можел да се постави под екранот, со опција и останати сензори да бидат вградени на тој начин, како и физичко копче поставено на самиот екран.
Секако, тоа што патентот е поднесен не значи и дека некогаш ќе стане реалност, туку дека Samsung само се осигуруваат нивната идеја да биде регистрирана во случај некој да дојде до истата и се обиде да ја реализира пред нив – што значи дека најверојатно ни новите Galaxy S9, S9+ и Note9 ќе ја немаат вградено оваа технологија во нив.