Имало многу случаи каде што родители сосема случајно го заборавиле детето во автомобил на големи горештини, или пак сопственици на кучиња го оставиле заклучено внатре, и комплетно заборавиле на целата ситуација сè додека не се случија трагедија и тие да починале од топлотен удар.
Бидејќи превенцијата е секој пат подобра од лекот, компанијата Olea Sensor Networks решила да ги спречи ваквите трагедии и тоа преку нивниот OleaVision in-Vehicle Life Presence Detector – детектор на живи суштества во автомобилот.
Овој систем се состои од безжичен уред кој може да се инсталира во кабината на возилото на задната врата зад седиштата, а уредот е способен да детектира присуство на живот во кабината, дури и ако детето или животното е неподвижно.
Тоа го прави користејќи ја технологијата за детекција на витални знаци на живот, испраќајќи порака до смартфонот на сопственикот на автомобилот доколку забележи дека во него има уште некој.
OleaVision детекторот може да се програмира и да ги алармира итните служби во случај возачот да не ја забележи нотификацијата и не превземе никаква акција.
Ова е дефинитивно еден од покорисните паметни уреди на пазарот, кој е пожелно да го има секој родител или сопственик на животно кое често се вози во автомобилот.