Денес на пазарот постојат мноштво „паметни“ уреди – од часовници до автомобили.
Neo Smartpen M1 е паметно пенкало на компанијата NeoLAB Convergence кое изгледа и во раката се чувствува како традиционално пенкало, но има многу повеќе функции од него.
Со негова помош може беспрекорно да се дигитализираат рачно напишаните забелешки директно во уредите како таблети, смартфони или компјутери. Истите може да се модифицираат и споделуваат преку апликациите за Windows, iOS и Android уредите, овозможувајќи им на корисниците да ги организираат, снимаат, менуваат, споделуваат, или прават бекап од нив на Google Drive. Покрај сето тоа, фајловите може да се поставуваат и на разните „cloud” платформи како Evernote или Adobe CC, со цел да се надополнуваат.
NeoLAB Convergence работеле на изработка на што потенок уред, па така M1 smartpen-от е и нивниот најтенок уред досега. Самото пенкало нуди функционалност да се обележува текстот, брише или селектира содржината, како и да снима и пушта аудио синхронизирано со потезите на пенкалото. Сликите цртани со него може да се експортираат во формати како SVG, PNG или JPG, а текстуалните забелешки можат да се претворат во дигитален текст на 15 јазици.