Instagram тестира нова функција која им покажува на корисниците дека некој ја снимил нивната фотографија објавена на Story.
Иако досега, апликацијата покажуваше само кога некоја од сликите кои корисниците ви ги праќаат директно до вас сте ја снимиле, сега тие ќе можат да видат и кога истото ќе го направите на нивното Story.
Засега функцијата се тестира на дел од корисниците, на кои по снимената фотографија им стигнува предупредување дека со следната снимена фотографија другиот корисник ќе може да го види тоа.
За разлика од оној кој го прави, другиот корисник нема да добие порака дека некој го направил тој потег, но ќе биде видлив за него само доколку ја отвори листата на пријатели кои ја виделе сликата со тоа што името на оној кој го направил ќе биде означено со кругче.
Во изјавата дадена за TechCrunch апликацијата го потврди тестот објаснувајќи дека секогаш се тестираат функциите со цел да се подобри искуството на секој корисник на Instagram, но и да се олесни начинот на споделување моменти со луѓето кои се важни за него.