Сликањето селфија се чини дека е тренд кој нема да изумре наскоро, а луѓето пронаоѓаат сè покреативни методи за тоа. „Селфи стик“ беше само почеток, а AEE Selfy е наредниот чекор.
Се работи за заштитна опаковка за смартфон кој во себе носи дрон со кој ќе може да се сликаат селфија на едно сосема ново ниво, кои воедно ќе се технички квалитетни и прецизни.
Тоа ќе биде овозможено благодарејќи на технологијата за стабилизација на сликата која е вградена во AEE Selfly, кој инаку може да се користи за заштита на повеќето смартфони со екрани со стандардни големини помеѓу 4” и 6”.
Откога ќе полета (на команда на корисникот), дронот лебди во воздухот и ги чека понатамошните команди преку интуитивната и лесна за користење бесплатна апликација (како на Android така и на iOS платформата), а способен е и да снима видеа со Full HD квалитет.
AEE Selfly може да помине до 4 минути во воздух, а за да целосно се наполни потребно му е час и половина, а ќе чини околу $130 кога на пазарот ќе се појави во првиот квартал од 2018.