Социјалната мрежа Facebook испраќа дополнителни информации до своите корисници со цел да ги извести за новите промени со контроверзната функција која бара препознавање на лицето на корисникот на апликацијата.
Карактеристиките на опцијата беа објавени уште во декември, минатата година, но сега постепено се развива.
Дел од корисниците тврдат дека автоматски им била активирана функцијата, додека други тврдат дека било побарано од нив да ја активираат.
Со помош на неа ќе биде овозможено дури и да не сте означени на фотографија која ја поставил некој, да ви стигне известување во коe ќе може да ја видите дури и да го немате во своите пријатели на социјалната мрежа. Од Facebook тврдат дека тоа е поради поголема заштита на нивните корисници.
Сепак, против Facebook беше поднесена тужба од граѓаните на Илионис кои обвинуваат дека компанијата ја прекршила нивната приватност со преземањето на податоци без нивна согласност.
Судски спорови се поведени и против Snapchat, Google и Shutterfly.
Се поголем е бројот на корисници кои одбиваат да ја користат оваа функција, а тоа е и со право. Колку што може да ја заштити приватноста, толку може и да и наштети.
Новинарот Ави Ашер-Шапиро тврди дека постои сличност меѓу препознавањето на вашиот лик и отпечатокот на прсти.
-Препознавањето на вашето лице е можност да се собере база на податоци кои се единствени за вас и е слично на земањето на отпечатоци од вашите прсти, вели тој.