Следниот пат кога ќе купувате стан или куќа, тоа може да не биде од агент за недвижности - барем не кој ќе биде присутен „на лице место“ со вас.
Некои агенции за недвижности и стартап компании во САД почнале да вработуваат роботи кои ја работат дел од работата на агентите, користејќи вештачка интелигенција.
Две од нив се REX (брокерска фирма) и Zenplace (агенција за менаџирање недвижности) кои како свои вработени имаат роботи кои комуницираат со клиентите – REX ги има поставено во домовите за да одговараат на прашања и собираат податоци, додека Zenplace ги користат за им помогнат на човечките агенти да комуницираат со клиентите на далечина.
Роботите би можеле да го поедностават процесот на купување недвижнина, како и да ја намалат потенцијалната провизија на агентите кои купувачите обично ја плаќаат. REX, на пример, наплатува само 2% провизија, во споредба со 5 или 6% која ја наплаќаат агентите.
Директорите на овие компании сметаат дека агентите се и секогаш ќе бидат критични при извршувањето на трансакциите и нивните работни места не се загрозени од роботите, туку тие сега засега ќе служат да им помагаат и да им ја олеснуваат комуникацијата со клиентите.