Носењето квалитетна кацига при возењето мотор е од исклучително значење за безбедноста. Сега компаниите Sena и Shoei развиле нова кацига наречена Neotec 2 која е совршена за комуникација со останатите возачи додека патувате.
Специјално за неа е развиен уникатен SRL комуникациски систем кој е интегриран во кацигата и е практично невидлив кога се гледа нејзината надворешност и за чија контрола се потребни само 3 копчиња.
Преку него може да се комуницира со останатите возачи кои имаат ваква кацига преку Bluetooth внатрешна врска, да се слуша омилената музика, па дури и да се слушаат GPS навигациски инструкции.
Neotec 2 има одлична аеродинамика, интерен штитник од сонце, Pinlock EVO систем против магла, како и способност да се интегрира со сосема новиот SENA SRL/SHOEI Rider Link комуникацискиот систем, што ја прави оваа кацига една од најдобрите со модуларен дизајн.
Според директорот на SHOEI за Северна Америка, не постои компромис во однос на нејзиниот изглед и аеродинамични карактеристики, додека пак компанијата Sena има позната историја на иновативен дизајн на продукти што несомнено позитивно ќе го подобри искуството на возачите кои ќе ја носат Neotec 2.
