Главниот град на Норвешка, Осло, наскоро може да биде дом на најфутуристичкиот одржлив град во светот.
Haptic Architects и the Nordic Office of Architecture објавиле планови за креирање на град до аеродромот Осло, именуван како OAC (Oslo Airport City), кој ќе биде првиот „енергетски позитивен“ аеродромски град.
OAC ќе ја користи енергијата создадена во самиот град, а низ неговите улици ќе возат автономни електрични возила.
Што ќе го прави овој град одржлив?
- Тој ќе биде екстремно пријателски настроен кон пешаците, а оние кои ќе живеат во него или ќе го посетуваат нема да треба да имаат било каква форма на транспорт, бидејќи пешки ќе може да се пристапи скоро секаде.
- Благодарение на тоа, центарот на градот ќе биде целосно ослободен од возила.
- Ќе се користат автономни возила, автоматско осветлување, како и „паметни“ технологии за справување со отпадот и безбедноста.
- Вишокот енергија која градот ќе ја продуцира ќе се продава, но ќе се користи и за одмрзнување на авионите – намалувајќи ја потрошувачката на гориво на аеродромот.
- Во градот ќе се користат исклучиво електрични автомобили
Локацијата можеби се чини случајна, но е идеална за овој утописки град. Аеродромот Осло очекува бројот на неговите вработени да се дуплира до 2050-та, а овој град би бил совршена локација за престој на нивните фамилии.
Почетокот на конструкцијата е планиран за 2019, а изградбата би требало да е завршена до 2022.
