Астрономи од универзитетот во Лајден, Холандија, развиваат едноставен додаток за смартфони кој овозможува исклучително лесно мерење на квалитетот на водата, само со насочување на уредот кон неа, и ништо повеќе.
Примарната намена му е да овозможи на секој граѓанин да провери дали водата за пиење (или капење) е загадена и колку. Риболовците би можеле со негова помош да го одредат квалитетот на уловот, и како загадувањето би влијаело на локалната рибна популација.
Во 2013-та, истиот тим на научници развиле уред наречен iSPEX (Spectropolarimeter for Planetary Exploration/спектрополариметар за планетарно истражување) кој се додавал на смартфон и кој го мерел загадувањето на воздухот.
Технологијата која стои зад тоа е всушност верзија на софистицирана астрономска технологија која покажува дали кислород е присутен на планетите околу другите ѕвезди, која поради тоа што не побарува да се земаат примероци и да се анализираат во лабораторија ја прави релативно евтина.
Тимот истражувачи се надева дека уредот ќе биде подготвен за пазарот до 2019-та, по што ќе ги објават 3D моделите од него за секој со 3D принтер да може сам да си го направи.