Нашите животи се исполнети со други луѓе со кои постојано имаме интеракција – на работа, дома, во продавниците, со оние кои ни ги испорачуваат нарачаните продукти.
Сега, компанијата Starship Technologies базирана во Сан Франциско сака да ја отстрани човечката интеракција барем од процесот на купување на храна и разни намирници. Компанијата има флота автономни роботи кои можат да ви го испорачаат ручекот и која е спремна да ја нуди оваа услуга на други компании откога ќе заврши тестирањето во нивниот кампус.
Малечките роботи имаат 6 тркала и можат да се движат со максимална брзина од 6.4км/ч., а за да се користат потребно е нарачката која треба да ја донесат да се внесе во апликација. Потоа, ресторанот кој треба да ја испорача ја става во роботот кој е потребно да се пречека пред влезот на зградата и да му се отклучи контејнерот со внесување на уникатна шифра. Испораката обично трае помеѓу 15 и 30 минути.
Овие мали роботи го опслужуваат кампусот на компанијата Intuit уште од јануари, а Starship Technologies планираат да распоредат уште повеќе од 1000 роботи по разни колеџи и компании до крајот на годинава.
Ваквата услуга би била идеална за луѓето кои имаат потешкотии со мобилноста, како оние со разни повреди или болести, или за постарите личности кои не можат/не смеат да се движат премногу или предалеку.