Во март, средно училиште во Хангжу, источна Кина, во една училница инсталирало „паметен систем за менаџирање на однесувањето во училницата“ или “Smart Eye” (Паметно око) кој користи технологија за препознавање на лица за да ги надгледува студените – а до летово, администраторите планираат системот да го инсталираат во секоја училница.
„Паметното око“ функционира така што секои 30 секунди, 3-те камери инсталирани во предниот дел на училницата ги скенираат лицата на учениците за да им го одредат изразот – изненаден, тажен, лут, среќен, исплашен, антипатичен, или неутрален.
Камерите исто така ги снимаат акциите на учениците, забележувајќи дали читаат, слушаат, пишуваат, стојат, дигаат раце, или се наслонуваат на масата.
Системот во реално време го известува наставникот доколку забележи дека некој студент се чини дека е расеан и не обрнува внимание на предавањето, а на крајот на часот наставникот може да види извештај на кој е обележан просекот на експресиите на секој ученик.
Директорот на школото вели дека целта на овој систем е да им помогне на професорите да се подобрат базирани на реакциите на нивните ученици, што од една страна е позитивно – но од друга страна, учениците се оценуваат и во однос на тоа колку обрнувале внимание на часот.
Оние кои биле фокусирани ќе бидат од системот обележани со со А, додека оние кои делувале расеано со Б.