Летото е помалку или повеќе пристигнато, што значи и шансите за уживање на отворено во природата.
Доколку, пак, сте љубител на природата, а особено на кампувањето, една од основните работи кои би требало да ги имате со вас е добро осветлување, па потоа и сè останато.
Coleman 360° звучниот и светлосен фенер е идеален за кампување (особено во друштво), бидејќи покрај осветлување нуди и озвучување, а служи и како преносна банка за напојување на уреди.
Звучникот е Bluetooth и овозможува на корисниците безжично да ги стримаат своите омилени песни од смартфоните, кои можат да се контролираат или преку смартфонот или преку контролите на врвот на фенерот.
Батеријата овозможува непречено слушање музика до 20 часа, додека светлото со моќност до 400 лумени може да осветлува до 7 метри далечина.
Coleman 360° е направен од материјали отпорни на разни временски (не)прилики, а е и водоотпорен со IPX4 сертификатот, додека неговата цена изнесува $60, што го прави пристапен за скоро сите кампери.