VirtualHome (Виртуелен дом) е нов проект на лабораторијата за компјутерска наука и AI (вештачка интелигенција) на MIT, место каде AI-то може да вежба комплицирани задачи и домашни задолженија во симулиран виртуелен свет.
Идејата е да со усовршување на одредени команди во симулацијата, еден ден да имаме роботи со AI системи кои лесно ќе можат да извршуваат задачи во реалниот свет.
VirtualHome многу наликува на верзија на видео играта The Sims. AI-то е претставено како хуманоиден аватар во виртуелна куќа каде му се даваат разни задолженија. На пример, да го вклучи телевизорот при што прво е потребно да го пронајде далечинскиот управувач, отиде до каучот и седне свртен према телевизорот.
Со VirtualHome, научниците од MIT го истренирале AI-то да извршува околу 1000 различни задолженија кои еден ден домашниот роботски асистент би бил способен да ги прави. Некои од нив вклучуваат одење во различни соби за земање на одредени предмети, правење кафе или готвење нешто во кујната.