Во иднината, многу е веројатно дека роботите ќе бидат одговорни за готвење на нашата храна – роботски шанкери ќе ги прават кафињата, роботски готвачи ќе подготвуваат пици, а роботски келнери ќе ја испорачуваат храната.
Но, иднината започнува сега. Во Сан Франциско ќе биде отворена сендвичара наречена Creator каде машина ќе ги приготвува хамбургерите кои ќе се продаваат по цена од само $6 – најверојатно ќе биде една од најевтините во околината.
Спецификациите на машината се импресивни – може да создаде 120 хамбургери за еден час, а ќе чини помалку од 1 милион долари. На нејзините креатори Анџело Вардакостас (извршен директор од Силиконската Долина) и механичкиот инженер Стивен Френ им била потребна скоро една декада за создавање на прототипите и собирање на финансиски средства.
Автоматизацијата на работните места е несопирлива сила, а ваквите машини еден ден дефинитивно ќе можат да им ја превземат работата на вработените во сендвичарите и рестораните за брза храна. Сепак, тоа не значи дека сите тие ќе останат без работа, бидејќи ќе бидат потребни луѓе кои ќе ја одржуваат технологијата кои ќе бидат повеќе платени за тоа отколку што претходно биле за спремањето на храната.