Wagz е околувратник за кучиња кој е дел од првиот конектиран систем за домашни миленичиња во светот.
Целото име му е Wagz Explore Smart Collar и на сопствениците на кучиња им асистира во нивното следење, набљудување и комуницирање.
Една верзија ќе биде наменета за кучиња над 18kg, а потоа ќе се појави и таква за помалечки. На располагање ќе бидат верзии со HD видео камера и без неа. Обичната ќе чини $295, додека за камерата ќе се доплаќаат уште $200.
Кога станува збор за околувратници за кучиња, овој концепт е сосема нов. Веќе има неколку слични продукти на пазарот кои ја следат локацијата и активноста, но тие немаат ни приближно толку технологија вградена во нив во споредба со Wagz.
Wagz ја следи локацијата на вашето куче, неговата активност, лаење, и температура, и сите тие податоци ги прикажува на смартфон апликацијата. Тој исто така му овозможува на сопственикот да одреди област во која кучето смее да се движи и не му дозволува на миленикот да излезе од таа специфична зона со тоа што вибрира секој пат кога ќе ја напушти.
Верзијата, пак, со видео камера и двонасочно аудио овозможува во секое време преку апликацијата да го гледате светот од гледната точка на вашиот миленик, да му давате команди преку неа и сл.