Во 2013-та, Google го претставија Project Loon, план да се испрати флота балони во стратосферата кои би испраќале интернет долу на Земјата.
Минатата година, овој проект им овозможи интернет услуги на повеќе од 250 000 Порториканци по уништувањето предизвикано од ураганот Марија. Компанијата која се вика Loon e дело на X, иновациска лабораторија која сега е дел од Alphabet, суперкомпанијата чија „ќерка-компанија“ е Google.
Сега, Loon најавија партнерство со Telkom Kenya, третиот најголем телекомуникациски провајдтер во Кенија, за во почетокот на следната година да лансираат балони кои ќе испраќаат 4G интернет во руралните и субурбаните средини.
Интернетот е станат толку важен дел од модерниот живот што во 2016-та Обединетите Нации го декларираа пристапот на интернет како основно човечко право. Иако повеќето од нас не можат да замислат дури ни еден ден без интернет, повеќе од половината светска популација воопшто и го нема. Во Кенија, околу една третина од популацијата нема интернет пристап.
Покрај Alphabet и компаниите SpaceX, Facebook и Altaeros имаат сопствени планови кои вклучуваат сателити, дронови и воздушни балони – што значи дека во блиска иднина интернетот конечно би можел да биде на располагање на целиот свет.