Во денешниот свет сосема е логично да се превземаат одредени мерки на претпазливост кога станува збор за личната безбедност.
Lotus е гаџет на компанијата SEAM кој има многу дискретен дизајн кој е стилски и не привлекува внимание, а се работи за уред кој претставува „персонална безбедносна платформа“.
Со него доаѓа мобилен полнач кој тежи 50gr. и кој овозможува работа на уредот до 42 часа. Lotus може да се користи со Android и iOS апликација, покрај cloud системот за складирање и стрим на податоци.
SEAM платформата овозможува луѓето меѓусебно да се поврзани, социјални, и безбедни, преку споделување на контекстуални податоци кои вклучуваат GPS локација, слики, како и стриминг на аудио сигнал во реално време до одбраната мрежа од најмногу 5 корисници. Ова овозможува поголема безбедност во споредба со обичен GPS тракер.
Преку Lotus можат да се прават и двонасочни аудио повици, а нуди и пристап го гласовен асистент сличен на Siri или Google Assistant преку кој може да се испраќаат пораки, да се постави потсетник или да се контролира SEAM апликацијата.
Сите податоци ќе можат да бидат снимани и чувани приватно за лична употреба, или да се споделат со одбрани контакти. Едно полнење на батеријата овозможува непречено функционирање на Lotus до 7 часа, а уредот чини $130.