За многу деца, една од најефективните методи за учење е преку играта. Тоа е така со генерации наназад, со тоа што единствено се менува медиумот за играње.
Технологијата сега е исклучително напредната и на децата им овозможува да играат игри кои се поинтерактивни од било што претходно.
Robotix сега претставиле една таква технолошка играчка наречена Taco Playbits, која е првата од овој вид која нема екран. Освен недостатокот на екран, што друго ја прави специјална?
Таа е опишана како STEM (Science, Technology, Engineering and Math) играчка наменета за деца од 3 до 8 годишна возраст, а нејзината цел е кај младите да изгради вештини критични за 21 век, како што се математичка писменост, колаборативно учење и кодирање – сето тоа преку директен процес на учење.
Ова се постигнува преку стапчето и таговите кои користат патентирана технологија за да ги инспирираат децата да се забавуваат додека играат.
Сè што детето треба да направи е да ги допре таговите со стапчето за да свири музик, или за да научи англиски, и др. Taco Playbits не е наменет само за децата, туку и за родителите и учителите. Возрасните можат да снимат сопствени прашања во играчката за да овозможат дополнителни уникатни предизвици за децата, кои играјќи можат да научат и друг јазик или дијалект.
Taco Playbits е компатибилна и со Брајовата азбука, што им овозможува и на децата кои се слепи или имаат оштетен вид да си играат и учат со неа.