Лабораторијата за материјали на MIT создала нов вид на батерија која складира доволно енергија да напојува авион во лет од Сан Франциско до Лос Анџелес, што е пат со должина од околу 560 километри.
Инженерите долго време сонувале за летечки електрични возила, но нивните намери секогаш биле спречени од неможноста да се пронајде баланс помеѓу капацитетот и тежината на батериите.
Научниците од MIT физички ја реструктуирале батеријата за да протокот на електрицитет е повеќе директен од една до друга електрода и веруваат дека таа ќе може да биде доволно моќна да подигне патнички авион со 12 седишта и да го држи во воздух доволно долго за кратки (комерцијални) патувања, без користење на фосилно горивно.
Ерата на батериски напојувани авиони би искоренила еден од главните извори на емисии на штетни гасови – според MIT, воздухопловните патувања генерираат 2% од целиот јаглерод диоксид кој го испуштаме во атмосферата.
Крајната цел би била ваквите батерии да станат што поголеми и помоќни за да ги напојуваат патничките авиони кои денес ги користиме, но во почетокот тоа би било возможно само за помалечките, приватни авиони.