Живееме во сè поопасен свет, каде некој може да извади оружје и почне да пука по луѓе.
Личната безбедност е нешто што треба да се сфати сериозно, а без разлика дали сте обучени како да се самоодбраните (со некоја боречка вештина и сл.), добро е да се има „бекап“ план.
TAASER Pulse+ на компанијата Axon е тејзер (пиштол кој предизвикува електрошокови) кој во него ја има инкорпорирано новата Bluetooth технологија на Noonlight, која овозможува тој автоматски да ги извести итните служби секогаш кога ќе се употреби.
На секоја употреба на Pulse+, Noonlight ќе ги извести и контактира итните служби со цел да испратат помош до локацијата на корисникот, што е овозможено преку GPS следењето во реално време преку Noonlight Мобилната апликација.
Пиштолот е ефективен од далечина од 4.6 метри, со циклуси од 30 секунди. Доколку се искористи во самоодбрана и во оправдани околности, а притоа остане на локацијата на која е употребен (бидејќи по употребата корисникот треба што побрзо да ја напушти и да се засолни на безбедно), тој бесплатно ќе биде заменет од Axon, сè додека условите поради кој бил употребен не ги прекршуваат оние кои се дел од гаранцијата на уредот.
TASER Pulse+ во повеќето држави во САД може легално да се поседува, а чини $450.