Исто како што со голо око не можеме да ги забележиме сите видови нечистотија во водата, истото се однесува и за воздухот кој го дишеме во нашите домови и кој може да предизвика реакции кај луѓето чувствителни на разни алергени, како и астматичарите.
Она што го двои LG PuriCare 360° од сличните модели е неговиот уникатен метод за прочистување на воздухот кој промовира „испорачување“ на чист воздух во распон од 360 степени, а се одликува и со вистинска HEPA (ХЕПА) филтрација, LG LoDecibel технологија за потивко функционирање и супериорна енергетска ефикасност.
Специјалниот метод на прочистување ги опфаќа и областите кои се поблиску до подот (идеално за оние со новороденчиња и деца кои сè уште немаат проодено), а опцијата Clean Booster ја зголемува областа на дистрибуција на прочистениот воздух за 7 метри повеќе, покривајќи површини до 50 m².
Самиот прочистувач може да се закосува до агол од 55 степени и да ротира до 70 степени, а во него има повеќефилтерски систем кој заробува бројни видови на честички вклучувајќи и разни алергени. HEPA филтрацијата заробува 99.97% од ултра-ситните честички прашина, а има и филтер кој помага за отстранување на миризби како оние од цигари, храна, смог и штетни хемикалии.