Скоро на сите љубители на филмови и стрипови им е познат појасот на Бетмен во кој тој носи скоро сè што му е потребно да преживее одредена мисија – разни алатки и сајли за качување на згради, уреди за оневозможување на непријателите и сл.
RockyBelt е нешто слично, но наменето за ентузијастите кои уживаат во активностите на отворено.
Се работи за појас кој е компактен и водоотпорен, со вградена батерија на полнење со капацитет од 28,000mAh, со која се споени 3 кабли за полнење на извлекување со стандардите Type-C, microUSB, како и за iPhone – овозможувајќи полнење на скоро секој денешен мобилен уред. Дури постои и опција во појасот да се вклучи и 110/220 AC додаток за напојување на останати уреди кои не се компатибилни со 3-те кабли кои се веќе на располагање.
RockyBelt има и интегрирани Bluetooth звучници, LED светла, како и копче кое ја активира функцијата за одбивање на инсекти, особено комарци.
На појасот ќе може дополнително да се вградат GPS модул за следење, како и модул кој ќе испушта видлив ласерски сигнал кој ќе користи доколку, на пример, се изгубите издвоен од планинарската група и сл.
Во него е вградена и торбичка која е водоотпорна и во неа може од дожд или било каква вода да се заштити, на пример, паричникот или смартфонот.